सर्वोच्च अदालतले पदमुक्त भएका जनमोर्चाका सांसद कृष्ण थापालाई प्रदेश सभा सदस्यको हैसियतमा कामकाज गर्न दिन अन्तरिम आदेश दिएको छ । न्यायाधीश कुमार चुँडालको एकल इजलासले थापालाई गरिएको कारबाही कार्यान्वयन नगर्न आइतबार अन्तरिम आदेश दिएको हो । पार्टी निर्णयविपरीत मुख्यमन्त्री पृथ्वी सुब्बा गुरुङलाई सहयोग पुग्ने गरी गतिविधि गरेको भन्दै जनमोर्चाले थापालाई कारबाही गरेको थियो ।