- वि.सं २०८१ बैशाख १४ शुक्रबार
सरकारले आगामी वर्षका लागि पूर्वाधार क्षेत्रका निम्ति एक खर्ब ६३ अर्ब रुपैयाँको बजेट विनियोजन गरेको छ । पूर्व–पश्चिम राजमार्ग विस्तार, मध्यपहाडी राजमार्ग, हुलाकी राजमार्गजस्ता पूर्वाधारमा यो रकम खर्च गरिनेछ ।
त्यस्तै, तीन सय पुल निर्माण गरिनेछ । पुल निर्माणमा मात्र ११ अर्ब १० करोड रुपैयाँ विनियोजन गरिएको छ ।
राष्टिय राजमार्ग प्राधिकरण निर्माण गर्न विज्ञ टोली गठन गरिनेछ । त्यस्तै, आगामी वर्षभित्रमा काठमाडौं उपत्यकामा एक सयवटा विद्युतीय बस सञ्चालन गरिनेछ । रेल यातायातका लागि १० अर्ब ३ करोड रुपैयाँ विनियोजन गरिएको छ ।
आगामी वर्ष रक्सौल काठमाडौं र केरुङ काठमाडौं रेलमार्गको विस्तृत आयोजना प्रतिवेदन तयार गरिनेछ । यसअघि सरकारले नियन्त्रणमा लिएको यातायात समितिको अचल सम्पत्तिलाई कम्पनीमा परिणत भएपछि परिवर्तित कम्पनीलाई उपलब्ध गराउने भएको छ ।
