व्यावसायिक रेडियो प्रसारकहरूको संस्था ब्रोडकाष्टिङ एसाेसिएसन अफ नेपाल (वान) का अध्यक्ष तथा सरकारी विज्ञापन प्राधिकरण सदस्य चन्द्र न्यौपानेको कोरोना संक्रमणबाट निधन भएको छ ।
न्यौपाने इटहरीस्थित सप्तकोसी एफएमका स्टेसन म्यानेजर पनि हुन् । मोरङको बुढीगंगा गाउँपालिका- २ टंकीस्थित विराट मेडिकल कलेजको कोभिड अस्पतालमा २८ वैशाखदेखि उपचार गराइरहेका ५० वर्षीय न्यौपानेको शुक्रबार बिहान साढे ८ बजेतिर निधन भएको अस्पतालका कोभिड फोकलपर्सन सुनिल देवले जानकारी दिए ।
अस्पतालका अनुसार कोरोना संक्रमणबाट सिकिस्त भएका उनको भेन्टिलेटरमा राखेर उपचार भइरहेको थियो ।