Read Time : < 1 मिनेट
२०७८ जेठ ४ मंगलबार १४:२६:००
जंगली हात्तीको आक्रमणबाट झापामा एकजनाको मृत्यु भएको छ । मृत्यु हुनेमा मेचीनगर– ९ मागुरमाडीका ४५ वर्षीय श्याम राई रहेको जिल्ला प्रहरी कार्यालय झापाले जनाएको छ ।
मंगलबार बिहान ३ बजे जंगलबाट बस्तीमा पसेको एउटा हात्तीले खेदाउँदा भाग्ने क्रममा राईलाई आक्रमण गरेको जिल्ला प्रहरी कार्यालय झापाका सूचना अधिकारी प्रहरी नायब उपरीक्षक राकेश थापाले जानकारी दिए ।
हात्तीको आक्रमणबाट गम्भीर घाइते भएका राईको उपचारको क्रममा मेची अस्पताल भद्रपुरमा मृत्यु भएको प्रहरीले जनाएको छ ।