- वि.सं २०८१ बैशाख १३ बिहीबार
लमजुङमा भालुको आक्रमणबाट एक महिला गम्भीर घाइते भएकी छिन् । बिहीबार दिउँसो जंगलमा घाँस काट्ने क्रममा भालुको आक्रमणबाट मस्र्याङ्दी गाउँपालिका– ३ सिउरुङकी ४५ वर्षीया आइतकुमारी गुरुङ घाइते भएकी हुन् ।
सिउरुङ गाउँभन्दा माथि च्याल्दो जंगलमा घाँस काट्ने क्रममा भालुले आक्रमण गरेको आइतकुमारीका छोरा तुलराज गुरुङले बताए । गम्भीर घाइते महिलाको अनुहार, देब्रे खुट्टा र पाखुरामा चोट रहेको तुलराजले बताए । महिलालाई गाउँमा रहेको स्वास्थ्यचौकीमा प्राथमिक उपचारपछि थप उपचारका लागि जिल्ला अस्पताल लमजुङमा ल्याइएको छ ।
