सत्तारुढ एमालेको स्थायी कमिटीको आकस्मिक बैठकलगत्तै प्रधानमन्त्री केपी ओली राष्ट्रपति विद्यादेवी भण्डारीलाई भेट्न शीतलनिवास पुगेका छन् । ओलीले आइतबार दिउँसो स्थायी कमिटीको आकस्मिक बैठक बोलाएका थिए ।
लुम्बिनी प्रदेशका मुख्यमन्त्री शंकर पोखरेलको राजीनामा र नयाँ सरकार गठनको अभ्यास तथा कोरोना संक्रमण बढिरहेको वेला ओलीले बोलाएको आकस्मिक बैठक र राष्ट्रपतिसँगको भेटलाई अर्थपूर्ण रूपमा हेरिएको छ ।
ओलीले आइतबार साँझ मन्त्रिपरिषदको बैठक पनि बोलाएका छन् । नियमित बैठक सोमबार बस्दै आएकोमा ओलीले आइतबारका लागि बैठक बोलाएका हुन् ।