हुम्लाको उच्च हिमाली भेगमा हिमपात भएको छ भने मध्य र दक्षिणी भेगमा वर्षा भइरहेको छ। उत्तरी नाम्खा गाउँपालिका लिमिको हल्जी, जाँङ, तिल, चाला, हिल्सालगायतका क्षेत्रमा बुधबारदेखि नै हिमपात भएको हो ।

सदरमुकाम सिमकोटमा बिहीबार बिहानदेखि हिमपात भएको छ । हिमपातका कारण हवाई उडान  प्रभावित भएको छ । बुधबार वर्षाले प्रभावित भएको उडान बिहीबार हिमपातले  प्रभावित बनेको छ । दुई दिनदेखि उडान ठप्प भएको छ । 

हिमपातका कारण खेतबारीमा छरेको अन्नबाली राम्रो हुने भएकाले जिल्लाका कृषक हर्षित भएका छन् ।