छोराले गरे बाबुको हत्या
सल्यानमा छोराले आफ्नै बाबुको हत्या गरेको अनुसन्धानबाट खुल्न आएको जिल्ला प्रहरी कार्यालय सल्यानले जनाएको छ ।
जिल्लाको त्रिवेणी गाउँपालिका –२ कारागीठी ज्यामिरेका २० वर्षीय दुर्गा बहादुर रानाले गत २८ माघमा ४० वर्षीय बुबा कृष्ण बहादुर रानाको हत्या गरेको प्रहरीले जनाएको छ ।
अत्याधिक मादक पदार्थ(रक्सी) सेवन गर्ने गरेका कृष्णलाई छोरा दुर्गाले बारम्बार सम्झाउँदा पनि नसम्झिएपछी आबेगमा आई हत्या गरेको प्रहरीको अनुसन्धानबाट खुलेको प्रहरी प्रमुख डीएसपी विरेन्द्र बहादुर शाहीले जानकारी दिए ।
इप्रका लुहामबाट खटिएको प्रहरी टोलीले बाबुको हत्या गर्ने छोरा दुर्गालाई सोही दिन नियन्त्रणमा लिएर अनुसन्धान थाले पनि घटनामा संलग्नलाई भने शनिबार सार्वजनिक गरेको हो । सल्यान जिल्ला अदालबाट थप १० दिनको म्याद लिई प्रहरी हिरासतमा राखी छोरा दुर्गालाई थप अनुसन्धान गरिरहेको जिल्ला प्रहरी कार्यालय सल्यानल जनाएको छ ।