सर्वोच्च अदालतको न्यायाधीश पदमा प्रस्तावित नहकुल सुवेदी र कुमार चुँडालमाथि संसदीय सुनुवाइ सुरु गरेको छ ।
संसद्को संसदीय सुनुवाइ समितिले न्यायपरिषद्वारा प्रस्तावित दुवैजनालाई बोलाई सुनुवाइका लागि छलफल सुरु गरेको हो । यसअघि चैत २२ गते बसेको समितिको बैठकले दुवैजनाविरुद्ध परेको उजुरीमाथि छलफल गर्दै आजका लागि सुनुवाइको मिति तोकेको थियो ।
समितिमा प्रस्तावित न्यायाधीश कुमार चुँडालविरुद्ध दुईवटा र नहकुल सुवेदीविरुद्ध पाँचवटा उजुरी परेको थियो ।