पूर्व माओवादी केन्द्रको भातृ संगठन अखिल(क्रान्तिकारी) की उपाध्यक्ष पञ्चा सिंहले त्रिभुवन विश्वविद्यालयका उपकुलपति आफ्नो मर्यादित भूमिकाबाट च्युत भएको आरोप लगाएकी छन् ।
सामाजिक सञ्जाल फेसबुक मार्फत सिंहले प्रधानमन्त्रीको निर्देशन अवज्ञा गर्दै उपकुलपतिले स्ववियु कार्यतालिका सार्वजनिक नगरेको भन्दै आक्रोश पोखेकी हुन् । उनले नेपाली कांग्रेसको भातृसंगठन नेवि संघको योजनामा उपकुलपति स्ववियु विथोल्ने ‘मतियार’ को भुमिकामा प्रस्तुत भएको आरोप लगाएकी छन् ।
फेसबुकमा ६ वुंदे असन्तुष्टि सार्वजनिक गर्दै सिंहले लेखेकी छन्– ‘लामो संघर्ष र वलिदानबाट प्राप्त स्ववियु निर्वाचन सम्पन्न नगराउन उपकुलपतिद्वारा गरिएको अलोकतान्त्रिक रवैयाको मूल्य महंगो पर्नेछ ।’