समाचार
मेयरलाई मोसो दलेको आरोपमा नेकपा (विप्लव)युवा संगठनका जिल्ला अध्यक्ष पक्राउ
Read Time : < 1 मिनेट
२०७५ फाल्गुण ३ शुक्रबार १८:२०:००
विप्लव नेतृत्वको नेकपा माओवादीका युवा संगठनका जिल्ला अध्यक्ष बाम बहादुर बुढा बिहीबार साँझ पक्राउ परेका छन् । माण्डवी गाउँपालिका, ३ चकचकेबाट प्रहरीले उनलाई गिरफ्तार गरेको हो ।
माण्डवी गाउँपालिका, १ तिराम निवासी बुढालाई केही समयअगाडि स्वर्गद्वारी नगरपालिकाका मेयर नेत्र बहादुर रोकायलाई कालो मोसो दलेको मुद्दामा गिरफ्तार गरिएको प्युठान प्रहरी प्रमुख प्रहरी नायव उपरीक्षक निर्मल बुढाथोकीले जानकारी गराए । अध्यक्ष बुढालाई अहिले जिल्ला प्रहरी कार्यालय प्युठानको हिरासतमा अनुसन्धानका लागि राखिएको बुढाथोकीले बताए ।