समाचार
धनुषामा नाैँ वर्षीय बालिकाको शव भेटियाे
Read Time : < 1 मिनेट
२०७५ फाल्गुण ३ शुक्रबार १७:४३:००
धनुषाको मिथिला नगरपालिका–३ हरिपुरमा करिव ९ वर्षीय बालिकाको जलेको अवस्थामा शव भटिएको प्रहरी कार्यालय धनुषाका प्रहरी उपरीक्षक शेखर खनालले जानकारी दिए ।
कक्षा २ मा अध्यनरत दुतिया रैसेलीको शव बिहीबार बिहान घर नजिकै उखुबारीमा भेटिएकाे हाे । बुधबार राति बुवा नारायण रैसेलीसँग छिमेकीको घरमा बिहे भाेज खान गएकी उनी मृत भेटिएकी हुन् । प्रहरी उपरीक्षक खनालले घटनाको अनुसन्धान गर्न ५ जनासँग साेधपुछ गरी छाडिएकाे बताए । 'घटनाको सुक्ष्म अनुसन्धान गरिरहेका छौँ,' उनले भने, ‘चाडै घटनाकाे सत्यतथ्य बाहिर ल्याउने छाैँ ।’