- वि.सं २०८१ बैशाख १३ बिहीबार
प्रमुख प्रतिपक्ष दल कांग्रेसका सहमहामन्त्री डा. प्रकाशशरण महतले सरकार पूर्णतः असफल भएको बताएका छन् ।
कांग्रेस सहमहामन्त्री महतले ओली नेतृत्वको दुई तिहाई बहुमतको सरकारलाई ‘कुरामा नम्बर वान’ तर ‘काममा भने जिरो’को संज्ञा दिए । शुक्रबार काठमाडौंमा आयोजित साक्षात्कार कार्यक्रममा उनले सरकारले गलत आर्थिक नीति लिएकाले मुलुकको आर्थिक क्षेत्र संकटमा फसेको, सुशासन दिनुको सट्टा भ्रष्टाचार बढेको, अपरिपक्व परराष्ट्र नीतिका कारण अन्तराष्ट्रिय सम्बन्ध बिग्रेको बताए ।
पूर्व परराष्ट्रमन्त्री समेत रहेका महतले सरकारकै कारण मुलुकमा स्वदेशी पूँजीसमेत पलायन हुने अवस्थामा पुगेको बताए । सरकारले उल्टो बाटो लिएकाले मुलुकमा सुशासन र समृद्धि आउने सम्भावना नरहेको उनको दावी छ ।
