Read Time : < 1 मिनेट
२०७७ चैत १७ मंगलबार ०९:५७:००
जंगली हात्तीको आक्रमणबाट मोरङमा एकजनाको मृत्यु भएको छ । मिक्लाजुङ गाउँपालिका– ६ थामीझोडा बस्ने ५० वर्षीय यामबहादुर बोहराको जंगली हात्तीको आक्रमणमा सोमबार राति मृत्यु भएको हो ।
इलाका प्रहरी कार्यालय उर्लाबारीका अनुसार राति छिमेकीको घरबाट टेलिभिजन हेरेर घर फर्कँदै गरेका बोहरालाई जंगलबाट आएका तीनवटा जंगली हात्तीले कुल्चेर गम्भीर घाइते बनाएका थिए ।
घाइते बोहराको उपचारका लागि उर्लाबारीतर्फ लैजाँदै गर्दा राति ११ बजे बाटोमा मृत्यु भएको हो ।
