कवि तथा समालोचक नेत्र एटमको कवितासंग्रह ‘प्रिय मौनता’ सार्वजनिक भएको छ । राजधानीमा शनिबार अयोजित कार्यक्रमबीच कवि एटमको संग्रह सार्वजनिक गरिएको हो । संग्रहमा प्रेम र समर्पण भावका ६० कविता संग्रहित छन् ।
संग्रहमा प्रणयको प्यासन, प्रमुदित प्रकृति, अभिप्साको उद्बोधन र उपासनाको आलोक खण्ड रहेका छन् । कार्यक्रममा कवि एलिसा एकलास, बाबा बस्नेत, अतुल तिम्सिना, नवीन शर्मा र निरज दाहालले कवि एटमका कवितावाचन गरेका थिए ।
कार्यक्रमको दोस्रो खण्डमा भने प्रा.डा. कृषणहरि बराल, पत्रकार दीपक सापकोटा र अमृता शर्माले ‘प्रिय मौनता’माथि विचार राखेका थिए ।
कार्यक्रमा बरालले भने, ‘यो कवितासंग्रहले नेपाली काव्यक्षेत्रमा छलफलको नयाँ विषयको सुरुवात गरेको छ ।’ साथै सापकोटा र शर्माले पनि एटमको कवितासंग्रहले नयाँ बाटोको खोज गरेको बताएका थिए । पुस्तकलाई शिखा बुक्सले बजारमा ल्याएको हो ।