परराष्ट्रमन्त्री प्रदीप ज्ञवालीले सरकारले ल्याएका विभिन्न अध्यादेश संसदमा टेबुल हुन नपाउनु दुःखद भएको बताएका छन् ।
शुक्रबार प्रतिनिधिसभा बैठकमा बोल्दै ज्ञवालीले यसअघिका बैठक संसद सुचारु हुन नपाउँदै माननीयहरूको विरोधका कारण एसिड आक्रमणसँग सम्बन्धित अध्यादेश, खोपसम्बन्धी अध्यादेश र टिआरसीसम्बन्धी अध्यादेशमाथि छलफल गर्न नपाएको बताएका हुन् ।
उनले प्रतिगमन शब्द सस्तो भएको भन्दै निश्चित व्यक्ति पदमा पुग्दा अग्रगमन हुने र पुग्न नपाउँदा प्रतिगमन हुने प्रवृत्ति छ त्यसको अन्त्य हुनुपर्ने बताए । उनले काकाकुल सहरमा पानी आउनुभन्दा ठूलो अर्काे कुनै अग्रगमन नहुने दाबी गरे ।