एमालेमा ओली पक्षबाट बादलसहित ४२ केन्द्रीय सदस्य नियुक्त, प्रदीप ज्ञवाली प्रवक्ता
नेकपा एमाले ओली पक्षको केन्द्रीय कमिटी बैठकबाट रामबहादुर थापा ‘बादल’सहित ४२ जनालाई केन्द्रीय सदस्यमा नियुक्त गरिएको छ । शुक्रबार बसेको ओली पक्षको केन्द्रीय कमिटी बैठकले अष्टलक्ष्मी शाक्यको ठाउँमा बादललाई बागमती प्रदेशको इन्चार्जको जिम्मेवारी दिएको छ ।
त्यसैगरी, बैठकले पार्टीका सबै पदाधिकारी खारेज गरेको छ । अध्यक्ष केपी ओली र महासचिव ईश्वर पोखरेलको पद भने कायमै रहेको छ । पार्टीको महाधिवेशन मंसिर २ देखि ६ गतेसम्मका लागि तय गरेको बैठकले प्रदीप ज्ञवालीलाई प्रवक्ताको जिम्मेवारी दिएको छ ।
पार्टी एकीकरण हुँदा बनाइएका ४२ जना केन्द्रीय सदस्यलाई ओलीले एमालेका केन्द्रीय सदस्य बनाएका हुन्। त्यसमध्येका २२ जना पूर्व माओवादी पक्षका छन्।