राष्ट्रपति विद्यादेवी भण्डारीको आलोचना गरेको आरोपमा पक्राउ परेकी नेतृ रामकुमारी झाँक्रीलाई प्रहरी छाडेको छ । श्रीमान् पशुपति पुरीको जिम्मा लगाएर महानगरीय अपराध महाशाखाले छाडेको हो ।
प्रहरी कार्यालयमा भएको करिब पाँच घन्टा लामो छलफलपछि प्रहरी उनलाई छाड्न तयार भएको हो । राष्ट्रपति संस्थाप्रति आफ्नो सम्मान रहेको भनेर उनले प्रहरी कार्यालयमा कागज गरेपछि छाडिएको महाशाखाका एक प्रहरी अधिकारीले बताए ।
प्रहरीले राज्यविरुद्धको कसुर मुद्दामा पक्राउ पुर्जी जारी गरी उनलाई घरबाटै पक्राउ गरेको थियो । भाषणको विषयलाई लिएर पक्राउको विरोधमा आलोचना भइरहेको छ ।