अज्ञात समूहले काभ्रेका दुई स्थानमा बम विस्फोट गराएको छ । बनेपा नगरपालिका वडा नं. ६ बुडोलमा रहेको कुकर बम भने सेनाले डिस्पोज गरेको छ ।
जिल्ला प्रहरी कार्यालय काभ्रेका सूचना अधिकारी प्रहरी नायव उपरिक्षक कुमार बिक्रम थापाका अनुसार बनेपा नगरपालिका वडा नं. ६ बुडोलमा र रोशी गाउँपालिका वडा नं. ९ नार्केमा गयराती अज्ञात समुहले बम पड्काएको हो । बनेपा बुडोलमा पड्काएको होस्ट बम हुन सक्ने र नार्केमा पड्काएको सिलिण्डर बम हुन सक्ने थापाले जानकारी दिए । बम राती दुई बजेको समयमा पड्किएको जनाइएको छ ।
कुकर बमका कारण राती दुई बजेदेखि अवरुद्ध भएको अरनिको राजमार्ग र विपी राजमार्ग डिस्पोज पश्चात सुचारु भएको छ । सडकमा बम राख्ने समूहको खोजी कार्य तीव्र पारिएको प्रहरी उनले बताए ।