Read Time : < 1 मिनेट
२०७७ माघ ४ आइतबार ११:४५:००
गुल्मीको रेसुंगा नगरपालिका– १४ पराल्मीका एक पुरुष मृत फेला परेका छन् ।
शनिबार बिहान घाँस काट्न हिँडेका ४५ वर्षीय तुलबहादुर विक मृत अवस्थामा फेला परेको जिल्ला प्रहरी कार्यालय गुल्मीका प्रहरी नायव उपरीक्षक पुरुषोत्तमप्रसाद पाण्डेयले जानकारी दिए ।
विक शनिबार साँझ गुल्मी दरबार गाउँपालिका– १ को बलिथुममा मृत अवस्थामा फेला परेपछि स्थानीयले प्रहरीलाई खबर गरेका थिए ।
विकको छातीमा दाग भएकाले भरुवा बन्दुकको छर्राले लागेको हुन सक्ने अनुमान गरिएको पाण्डेयले बताए ।
घटनाको मुचुल्कासहित शव पोस्टमार्टमका लागि गुल्मी अस्पताल तम्घासमा भर्खर ल्याइएको प्रहरीले जनाएको छ ।