Read Time : < 1 मिनेट
२०७७ पौष १२ आइतबार १४:५८:००
कोरोना संक्रमणबाट कर्णाली प्रदेश अस्पताल सुर्खेतमा थप एकजनाको निधन भएको छ ।
वीरेन्द्रनगर नगरपालिकानिवासी ८२ वर्षीया महिलाको कोरोना संक्रमणबाट निधन भएको हो । सास फेर्नमा कठिनाइ र ज्वरोको समस्या भएपछि पुस १० मा उनलाई प्रदेश अस्पतालको आइसियूमा भर्ना गरिएको थियो ।
सामाजिक विकास मन्त्रालयका स्वास्थ्य शिक्षा अधिकृत नवराज कँडेलका अनुसार उनको पिसिआर परीक्षण गर्दा कोरोना संक्रमण पुष्टि भएको थियो ।
कर्णाली प्रदेशका कोरोना संक्रमणबाट ज्यान गुमाउनेको संख्या २६ पुगेको छ ।