सानिमा बैंकले आफ्ना बचतकर्ताका लागि ल्याएको दीर्घायु बचत योजनाअन्तर्गत बैंकका बचतकर्ता यादव श्रेष्ठलाई औषधि उपचार बिमा दाबी रकम भुक्तानी गरेको छ । बैंकको न्युरोड शाखामा दीर्घायु बचत खाता खोलेका काठमाडौंनिवासी श्रेष्ठले ४७ हजार २ सय ३० रुपैयाँको औषधि उपचार बिमा भुक्तानी पाएका हुन् । 

बैंकका प्रमुख निक्षेप अधिकृत सरोज गुरागाईंले सुस्वास्थ्य र दीर्घायुको कामना गर्दै उक्त चेक श्रेष्ठलाई हस्तान्तरण गरेको बैंकले जनाएको छ ।

दीर्घायु बचत योजनामा ग्राहकले वार्षिक ५ हजार रुपैयाँको निःशुल्क स्वास्थ्य परीक्षण सुविधा, ५ हजार रुपैयाँसम्मको ओपिडी भुक्तानी शुल्कसहित नेपाल र भारतमा गरिने उपचारमा ५० हजार रुपैयाँसम्मको औषधि उपचार बिमा, १० लाख रुपैयाँको दुर्घटना बिमा र ३ लाख रुपैयाँको ६ घातक रोगहरूको बिमा सुविधा पाउन सक्ने बैंकले जनाएको छ । यसका लागि बैंकले सिद्धार्थ इन्स्योरेन्ससँग सहकार्य गरिरहेको जनाइएको छ । 

बैंकको सातै प्रदेशमा ८३ शाखा, १६ विस्तारित काउन्टर र ८१ एटिएम सञ्चालनमा रहेको जनाइएको छ ।