झापा र सुनसरीबाट प्रहरीले लागुऔषध ब्राउनसुगरसहित ६ जनालाई पक्राउ गरेको छ ।
प्रदेश १ प्रहरी कार्यालयका अनुसार शनिबार साँझ ५ बजे इलाका प्रहरी कार्यालय धरानको टोलीले धरान उपमहानगरपालिका– १० का ३१ वर्षीय बिकी श्रेष्ठलाई आठ ग्राम ५० मिलिग्राम र धरान– ३ का २६ वबर्षीय रिहान अन्सारीलाई ३५ मिलिग्राम लागुऔषध ब्राउनसुगरसहित पक्राउ गरेको हो ।
त्यसैगरी झापामा वडा प्रहरी कार्यालय भद्रपुरबाट खटिएको टोलीले शनिबार साँझ भद्रपुर नगरपालिका– ४ डाँगीबारीबाट भद्रपुर नगरपालिका –४ का १९ वर्षीय पुष्कर थापा, भद्रपुर– ५ का २६ मदन विक, हल्दिबारी गाउँपालिका– १ का लोकेन्द्र गुरागाईं र भद्रपुर नगरपालिका– ४ का २१ वर्षीय राजन माझी सात ग्राम लागुऔषध ब्राउनसुगरसहित पक्राउ परेका छन् ।