नेपाल र भारतका परराष्ट्रसचिवहरूको दुईपक्षीय वार्ता सम्पन्न भएको छ ।
वार्तापछि सञ्चारकर्मीहरूसँग संक्षिप्त कुराकानी गर्दै भारतीय विदेशसचिव हर्षबर्धन शृंगलाले छलफलको राम्रो सुरुवात भएको प्रतिक्रिया दिएका छन् ।
उनले दुई देशबीच देखिएका समस्या समाधान गर्ने विगषयमा छलफल भएको बताए ।
आर्थिक सहकार्यदेखि पूर्वाधार निर्माणलगायतका विषयमा पनि छलफल गरिएको शृंगलाको भनाइ छ ।
वार्तामा परराष्ट्रसचिव भरतराज पौडेल र भारतीय विदेशसचिव शृंगला सहभागी थिए ।
भारतीय विदेशसचिव शृंगला दुईदिने औपचारिक भ्रमणका लागि आज बिहान काठमाडौं आइपुगेका हुन् ।
उनी भोलि शुक्रबार स्वदेश फर्कने भ्रमण तालिका रहेको छ ।