- वि.सं २०८१ बैशाख १४ शुक्रबार
अभ्यासका लागि बन्द प्रशिक्षणमा बोलाइएका राष्ट्रिय क्रिकेट टिमका खेलाडीको आज पिसिआर परीक्षणका लागि स्वाब लिइएको छ ।
कोरोना संक्रमणको जोखिमबीच अभ्यास सुरु गरेको नेपाल क्रिकेट संघ (क्यान)ले बन्द प्रशिक्षणमा सहभागी हुने खेलाडी, प्रशिक्षक र व्यवस्थापकको स्वाब लिएको हो ।
आज टिम मेम्बर, फिजियोथेरापी र प्रशिक्षक गरी १९ जनाको पिसिआर परीक्षणका लागि स्वाब लिइएको छ ।
यसैगरी १३ जना मेन्टेनेन्स स्टाफको पनि पिसिआर परीक्षण गरिने भएको छ । उनीहरूको पनि आज नै स्वाब लिइएको छ ।
सबैको स्वाब संकलन कीर्तिपुरस्थित टियू क्रिकेट मैदानमा भएको हो ।
बन्द प्रशिक्षण भोलि (बुधबार) बाट सुरु हुँदै छ । बन्द प्रशिक्षणका लागि क्यानले २२ जना खेलाडीलाई बोलाएको छ ।
कोरोना भाइरस महामारीको कारण नेपालले नाै महिनापछि बन्द प्रशिक्षण हुन लागेको हो । प्रशिक्षक जगत टमटाले प्रशिक्षण दिनेछन् ।
बन्द प्रशिक्षणका लागि कप्तान ज्ञानेन्द्र मल्ल, उपकप्तान दीपेन्द्रसिंह ऐरी, पारस खड्का, सन्दीप लामिछाने, शरदह भेषवाकर, करण केसी, वसन्त रेग्मी, विनोद भण्डरी र सोमपाल कामीलाई बोलाइएको छ ।
यस्तै सुसन भारी, ललितनारायाण राजवंशी, आरिफ शेख, पवन सराफ, अविनाश बोहरा, सुवास खकुरेल, रोहितकुमार पौडेल र कुशल मल्ललाई पनि प्रशिक्षणका लागि बोलाइएको छ ।
यसैगरी राशिद खान, कमलसिंह ऐरी, सन्दीप जोरा, किशोर महतो र भुवन कार्कीलाई पनि बन्द प्रशिक्षणमा बोलाइएको छ ।
