Read Time : < 1 मिनेट
२०७७ कार्तिक २६ बुधबार ०९:५०:००
कालीगण्डकी नदीमा डुबेर एकजना बेपत्ता भएका छन् । गल्याङ नगरपालिका– ९ स्याङ्जाका ३६ वर्षीय सुवास बोटे बेपत्ता भएका हुन् ।
पाल्पाको रामपुर नगरपालिका– १० शिकोडाँडास्थित कालीगण्डकी नदी किनारमा दाउरा छोप्ने क्रममा सुवास बेपत्ता भएको जिल्ला प्रहरी कार्यालय पाल्पाका सूचना अधिकारी डिएसपी मदन गिरीले बताए । मंगलबार दिउँसो बेपत्ता भएका उनको खोजीकार्य जारी छ ।
स्थानीय लक्ष्मण माझी, छोपबहादुर बोटे र बुद्धे बोटेसँगै उनी नदीकिनारमा दाउरा छोप्न गएका थिए । तिहारलाई खर्च जुटाउन भन्दै उनीहरू नदीले बगाएर ल्याएका दाउरा छोप्न नदीमा गएको स्थानीयले जनाएका छन् ।
