पछिल्लो २४ घन्टामा ३१ सय ६८ जना संक्रमित निको भई डिस्चार्ज भएका छन् ।
यो अवधिमा पाँच सय ७० नयाँ संक्रमित थपिएको स्वास्थ्य तथा जनसंख्या मन्त्रालयले जनाएको छ ।
थप संक्रमितमध्ये काठमाडौं उपत्यकाका दुई सय ५२ जना छन् ।
सरकारले दसैँका वेला परीक्षण घटाएकाले नयाँ थपिने संक्रमितकाे संख्या घटेकाे हाे । पछिल्लो २४ घन्टामा जम्मा २७ सय २५ जनाको नमुना मात्र परीक्षण गरिएको थियो ।
आज थप भएकोसमेत देशभर हालसम्म एक लाख ६० हजार चार सयजना संक्रमित भइसकेका छन् । त्यसैगरी संक्रमणमुक्त हुनेको संख्या एक लाख १८ हजार आठ सय ४३ पुगेको छ ।
हाल सक्रिय संक्रमितको संख्या ४० हजार ६ सय ८१ रहेको मन्त्रालयले जनाएको छ ।
मन्त्रालयका अनुसार संक्रमितमध्ये दुई सय ८१ जनाको आइसियू र ७१ जनाको भेन्टिलेटरमा उपचार भइरहेको छ ।