चिनियाँ कम्युनिस्ट पार्टीको अन्तर्राष्ट्रिय विभागले पूर्वप्रधानमन्त्री बाबुराम भट्टराईकाे स्वास्थ्यलाभकाे कामना गरेकाे छ ।
पार्टीकाे अन्तर्राष्ट्रिय विभागले एक पत्र पठाई उनकाे स्वास्थ्यलाभको कामना गरेको हाे ।
भट्टराई र पूर्वमन्त्रीसमेत रहेकी उनकी श्रीमती हिसिला यमीलाई कोभिड- १९ को संक्रमण भएपछि चिनियाँ कम्युनिस्ट पार्टीको अन्तर्राष्ट्रिय विभागले शीघ्र स्वास्थ्यलाभको कामना गरेको हो ।
साथै पत्रमा भट्टराईले केहीअघि हिमालयपार बहुआयामिक सम्पर्क सञ्जाल सहयोग सम्बन्धमा नेपाल र चीनका दलहरूबीचको संयुक्त परामर्श संयन्त्रको पहिलो बैठकमा गरेकाे सम्बोधनको प्रशंसा पनि गरिएको छ ।
भट्टराईले उक्त सम्बोधनमा वान बेल्ट, वान रोडको सहयोगलाई अघि बढाउन समर्थन गरेका पत्रमा उल्लेख गरिएको छ ।