देशमा कोरोना संक्रमण उच्च देखिइरहेका वेला प्रदेश एकमा ए क्याटगोरीको परीक्षण ल्याब खुलेको छ ।
विराटनगरमा करिब ५ करोड रुपैयाँको लगानीमा वी स्योर प्याथ ल्याब एन्ड डायग्नाेसिस सेन्टर सञ्चालनमा आएको हो ।
ल्याब बिहीबारदेखि पूर्ण रूपमा सञ्चालनमा आएको जनाइएको छ ।
ल्याबमा कोभिड– १९ का पिसिआर र आरडिटी परीक्षण हुनेछ । त्यसैगरी रगत, दिसा, पिसाब, खकारलगायतका चाँज हुने जनाइएको छ ।
यस ल्याब स्थापनामा महेश जाजु, प्रकाश मुन्दडा, नवीन रिजाल, अनिल साहले पाँच करोड लगानी गरेको विज्ञप्तिमा उल्लेख छ ।
यस ल्याबबाट दैनिक एक हजारभन्दा बढी परीक्षण गर्ने क्षमता रहेको छ भने पाँच घन्टामै रिपोर्ट दिन सक्ने क्षमता रहेको जनाइएको छ ।