नेपाल कम्युनिस्ट पार्टी (नेकपा)की सांसद सानु शिवा पहाडीको निधन भएको छ । उनकाे बुधबार बिहान साढे १० बजे निधन भएकाे हाे ।
उनी नेकपाको तर्फबाट प्रतिनिधिसभा सदस्य याने कि सांसद थिइन् । नेकपाका अध्यक्ष एवं प्रधानमन्त्री केपी शर्मा ओलीले सांसद पहाडीको निधनमा दुःख व्यक्त गरेका छन् ।
ओलीले सामाजिक सञ्जाल ट्विटरमार्फत प्रतिनिधिसभा सदस्य संस्कृतिकर्मी सानु शिवा पहाडीको असामयिक निधन भएकोमा दुःख लागेको जनाएका हुन् ।
प्रधानमन्त्रीले निधन भएकी सांसद पहाडीप्रति श्रद्धाञ्जलीसमेत अर्पण गरेका छन् ।