विराेधकै बीच प्रदेश ५ को स्थायी राजधानी तथा नामकरणलाई लिएर प्रदेश सभामा दर्ता भएको प्रस्तावमाथि छलफल सुरु भएको छ।
१२ बजेका लागि तय भएको बैठक विवादका बीच डेढ घन्टा ढिला गरी सुरु भएको छ । आजै प्रदेश सभाबाट यो विषयमा टुंगो लगाउने तयारी भइरहेको छ ।
भर्खरै सुरु भएको बैठकमा कांग्रेस संसदीय दलका नेता वीरेन्द्रकुमार कनौडियाले आफ्नो भनाइ राख्ने तालिकाअनुरुप उनले बैठकलाई सम्बाेधन गरिरहेका छन् ।
सहमति खोज्ने क्रममा नेकपाका नेता तथा विपक्षी दलका नेताबीच छलफल भएका कारण बैठक ढिला हुन गएको एक संसदले बताए ।
कांग्रेस संसदीय दलका नेता वीरेन्द्रकुमार कनौडियाले छलफल सहमतिमा पुग्न नसकेको बताए । उनले सरकारको प्रस्तावका विपक्षमा मतदान गर्न कांग्रेसले ह्वीप लगाएको भन्दै आफूहरुको विरोध जारी रहने बताए । यता कांग्रेसले बुटवलको नेपालगञ्ज रोडमा विरोध जारी राखेको छ ।