काेराेना मिटर : आज थपिए १५ सय ५९ संक्रमित, सक्रिय संक्रमित २० हजार आठ सय ९१ पुगे
पछिल्लो २४ घन्टामा १५ सय ५९ जना नयाँ कोरोना संक्रमित थपिएका छन् ।
यो अवधिमा १२ हजार दुई सय पाँचजनाको नमुना पिसिआर विधिबाट परीक्षण गरिएको स्वास्थ्य तथा जनसंख्या मन्त्रालयले जनाएको छ ।
आज थप भएकोसमेत देशभर हालसम्म संक्रमित हुनेको संख्या ७७ हजार आठ सय १७ पुगेको छ ।
त्यसैगरी आज एक हजार ५७ जना संक्रमित निको भएर डिस्चार्ज भएका छन् ।
कुल निको हुनेको संख्या ५६ चार सय २८ पुगेको मन्त्रालयले जनाएको छ ।
स्वास्थ्य मन्त्रालयका प्रवक्ता डा. जागेश्वर गौतमले कोरोना निको हुने दर ७२.५ प्रतिशत रहेको पनि जानकारी दिए ।
हाल देशभर २० हजार आठ सय ९१ जना सक्रिय कोरोना संक्रमित रहेको गौतमले बताए ।
संक्रमितमध्ये दुई सय एकजनाको आइसियू र ३० जनाको भेन्टिलेटरमा उपचार भइरहेको मन्त्रालयले जनाएको छ ।