Read Time : < 1 मिनेट
२०७७ असोज १३ मंगलबार १८:०७:००
कर्णाली राजमार्गको तिलागुफा नगरपालिका– ५ खल्ला खोलामा बलेरो जिप दुर्घटना हुँदा चालकको मृत्यु भएको छ । सुर्खेतस्थित भेरीगंगा नगरपालिका– १२ का जिपचालक २८ वर्षीय कर्णबहादुर खड्काको घटनास्थलमै मृत्यु भएको प्रहरी कार्यालय कालिकोटले जनाएको छ ।
सुर्खेतबाट जुम्ला जाँदै गरेको लु.२च २४१२ नम्बरको जिप अनियन्त्रित भई दुर्घटना भएको थियो । जिपका सहचालक सुर्खेतका दीपक गाँगी घाइते भएका छन् । जिल्ला प्रहरी प्रमुख चन्दबहादुर शाहका अनुसार घाइतेको स्थानीय मेडिकलमा उपचार भइरहेको छ ।
जिपमा ११ जना यात्रु थिए । यात्रु सबैको अवस्था सामान्य रहेको प्रहरीले जनाएको छ ।