मुगुको छायानाथ रारा नगरपालिका- १४ स्थित न्युरीघाट खोलामा ना.७त ३६६६ नम्बरको ट्याक्टर दुर्घटना हुँदा चालकको मृत्यु भएको छ । जुम्लाको चन्दननाथ नगरपालिका-९ का बिर्खबहादुर गिरीको दुर्घटनामा परी मृत्यु भएको प्रहरीले जनाएको छ । 

दुर्घटनामा परी खोलामा अचेत अवस्थामा फेला परेका उनलाई स्थानीयले उद्धार गरी नजिकैको स्वास्थ्य चौकीमा लगेका थिए । उनको उपचारका क्रममा मृत्यु भएको जिल्ला प्रहरी कार्यालय मुगुका प्रहरी निरीक्षक तथा सूचना अधिकारी भीमदत्त जोशीले जानकारी दिए ।