एकैपरिवारका आमासहित दुई छोरीकाे माछापोखरीमा डुबेर मृत्यु भएको छ ।
मोरङ ग्रामथान गाउँपालिका– ४ बनसखण्डी गाउँमा रुद्र कटुवालको माछापोखरी रेखदेख गर्दै आएकी ३५ वर्षीया आमा सीता अधिकारी, १४ वर्षीया छोरी पवित्रा अधिकारी र ९ वर्षीया प्रीतिका अधिकारीको पानीमा डुबेर मृत्यु भएको हो ।
वडाध्यक्ष वैजनाथ विश्वासका अनुसार पोखरीधनी रुद्रकी दिदी सीता आफ्ना दुई छोरीलाई लिएर आइतबार बिहान माछालाई चारो हाल्न पोखरीमा गएकी थिइन् ।
तर, उनीहरू साँझसम्म कोही पनि घर फर्किएनन् । आफन्तले माछापोखरीमा गएर हेर्दा तीनैजना पोखरीमा डुबेर मृत अवस्थामा तैरिरहेका थिए ।
स्थानीयका अनुसार आइतबार बिहान चर्को घाम लागेकोले सानी छोरी पोखरीमा नुहाउन खोज्दा गहिराइमा पुगेर डुबेको र बहिनीलाई बचाउन जाँदा दिदी र दुवै छोरी बचाउन जाँदा आमा पनि डुबेर मृत्यु भएको हुन सक्ने अनुमान गरिएको छ ।
मोरङ प्रहरीले घटनाको थप अनुसन्धान भइरहेको जनाएको छ ।