जिल्ला प्रशासन कार्यालय लमजुङले सेनेटरी प्याडको व्यवस्था गरेको छ । प्रशासनले जिल्लामै पहिलोपटक महिला सेवाग्राहीलाई लक्षित गरी सेनेटरी प्याडको व्यवस्था गरेको हो ।
प्रमुख जिल्ला अधिकारी कृष्णप्रसाद शर्माले प्रशासनमा विभिन्न ठाउँबाट सेवाग्राही आउने भएकाले महिला सेवाग्राहीलाई लक्षित गरी सेनेटरी प्याडको व्यवस्था गरेको बताए । उनका अनुसार प्रशासनलाई लैंगिकमैत्री बनाउन महिला सेवाग्राहीलाई सेनेटरी प्याडको व्यवस्था गरिएको हो ।
मानिसको सबैभन्दा बढी चहलपहल हुने प्रशासनमा कार्यालय परिसरभित्र सेवाग्राहीमैत्री शौचालय व्यवस्थापनका साथै शौचालय स्तराेन्नतिसमेत गरेको शर्माको भनाइ छ ।