बारा, पर्सा र रौतहटका थप ३७ जनामा कोरोना संक्रमण पुष्टि भएको छ ।
नारायणी अस्पतालको प्रयोगशालामा मंगलबार राति गरिएको परीक्षणमा ३७ जना संक्रमित थपिएको नारायणी अस्पतालका प्रवक्ता डाक्टर अतुलेश चौरसियाले जानकारी दिए ।
उनका अनुसार संक्रमित ३७ जनामध्ये नाे महिलासहित रौतहटका २२ जना, बाराका नाैजना र पर्साका ६ जना छन् । जसमा ४ वर्षदेखि ६७ वर्षका उमेरका छन् ।
यस्तै, पर्साका ६ जनामा वीरगन्ज महानगरपालिकाका र पर्साको पटेर्वासुगौली गाउँपालिकाका रहेका छन् । रौतहटका २२ जना संक्रमित दुर्गा भगवती गाउँपालिकाका हुन् ।
यसैगरी बाराको कोल्भी, कलैया उपमहानगरपालिका, परवानीपुर गाउँपालिका, बारागढी गाउँपालिका र जितपुर सिमरा उपमहानगरपालिकाका व्यक्तिमा संक्रमण पुष्टि भएको छ ।
योसँगै पर्सामा हालसम्म दुई हजार चार सय २० जना कोरोना संक्रमित भएका छन् । त्यसमध्ये एक हजार पाँच सय २९ जना निको भइसकेका छन् ।
यस्तै पर्साका मात्रै हालसम्म ४२ जनाको कोरोना संक्रमितको मृत्यु भएको जिल्ला प्रशासन कार्यालयले जनाएको छ ।