काठमाडौं महानगरपालिकाका मेयर विद्यासुन्दर शाक्यलाई कोरोना संक्रमण भएको छ । श्रीमती बिरामी भएपछि उपचारका लागि ग्रान्डी अस्पताल पुगेका मेयर शाक्यले दुई दिनअघि स्वाब दिएका थिए । उनलाई सोमबार कोरोना संक्रमण पुष्टि भएको निजी सचिवालयले जनाएको छ । 

तर, उनकी पत्नीलाई भने संक्रमण देखिएको छैन । कुनै पनि लक्षण नभएकाले आफू सुरक्षित रूपमा होम आइसोलेसनमा बसेको मेयर शाक्यले बताए । मेयर शाक्यलाई नै संक्रमण पुष्टि भएपछि सोमबार महानगरका अन्य पदाधिकारीहरूको स्वाब परीक्षणका लागि पठाइएको छ ।