सत्तारुढ दल नेपाल कम्युनिस्ट पार्टी (नेकपा)का प्रवक्ता नारायणकाजी श्रेष्ठले तत्काल मन्त्रीहरू हेरफेर नहुने बताएका छन् ।
त्यसैगरी उनले तत्काल मुख्यमन्त्रीहरू पनि हेरफेर हुने विषयमा पार्टीमा छलफल नै नभएकाे बताएका छन् ।
नेकपाकाे सचिवालय बैठकपछि संवाददाताहरूसँग कुरा गर्दै उनले अहिलेकाे मुख्य केन्दबिन्दु भनेकाे पार्टीभित्रकाे समस्या समाधान भएकाले त्याे विषयभन्दा अन्य विषयमा छलफल नै नभएकाे बताएका हुन् ।
सरकारका केही मन्त्रीहरू हेरफेर वा मुख्यमन्त्रीहरू हेरफेरका विषयमा पनि केही छलफल भएका हुन् ? भन्ने एक प्रश्नमा प्रवक्ता श्रेष्ठले पहिला पार्टीभित्र देखापरेका वैचारिक र नीतिगत मतभेदहरूको निष्कर्ष निकालेपछि मात्र अन्य विषयमा छलफल हुने बताए ।
साथै पार्टीभित्र देखापरेका समस्या समाधानका विषयमा कुनै पनि नेताहरूबीच समझदारी वा सहमति नभएकाे उनले बताए ।