कोरोना संक्रमित बढ्दै गएपछि काेभिड बिरामीकाे उपचार गर्न ताेकिएका काठमाडौं उपत्यकाका अस्पतालमा बेड अभाव भएको छ ।
स्वास्थ्य तथा जनसंख्या मन्त्रालयले घनाबस्ती भएको सहरहरूमा संक्रमण बढ्दै गएकाले काठमाडौं उपत्यकालगायत अन्य ठाउँका अस्पतालमा बेड अभाव हुँदै गएको जनाएको हो ।
नियमित मिडिया ब्रिफिङमा शुक्रबार मन्त्रालयका प्रवक्ता डा. जागेश्वर गौतमले कोभिड अस्पतालमा बेड अभाव भएकाले निजी क्षेत्रका अस्पताललाई २० प्रतिशत बेड छुट्याउन अनुरोध गरिएको बताए ।
मन्त्रालयले सबै अस्पतालहरूलाई २० प्रतिशत बेड छुट्याएर काेभिडकाे हब अस्पताललाई जानकारी गराउन केही दिनअघि सूचना गरेकाे थियाे ।
बेड अभाव भएकाले कुनै पनि अस्पतालमा भर्ना भएका बिरामी कोरोना संक्रमित पुष्टि भए पनि हब अस्पतालको संयोजनमा सोही अस्पतालमा राख्न मन्त्रालयले निर्देशन दिएको छ ।
गाैतमले उपत्यकाका कुनै अस्पतालमा रेफर गर्नुपर्ने भए हब अस्पतालको संयोजन र मन्त्रालयको निर्देशन प्राप्त गरेर मात्र गर्न अनुराेध गरे ।