- वि.सं २०८१ बैशाख ८ शनिबार
कोरोना संक्रमण बढेपछि काठमाडौं उपत्यकाका मालपोत कार्यालयले १५ भदौसम्मलाई सेवा बन्द गरेका छन् । मन्त्रीस्तरीय निर्णयबाट बुधबारदेखि सेवा बन्द गरिएको हो ।
सेवा बन्द भए पनि कार्यालय भने खुला हुने र आन्तरिक काम जारी रहने भूमि व्यवस्थापन तथा अभिलेख विभागका महानिर्देशक शेषनारायण पौडेलले बताए । यस्तै कतिपय अत्यावश्यक सेवाहरू भने जारी राख्ने विभागले जनाएको छ ।
उपत्यकाबाहिरका जिल्लाका हकमा भने सम्बन्धित जिल्लाको स्थानीय प्रशासनको निर्णयअनुसार कार्यालय खोल्ने र बन्द गरिएको छ । उपत्यकामा आठवटा मालपोत कार्यालय छन् । उपत्यकामा संक्रमण बढेपछि सबैजसो सरकारी कार्यालयले सेवा कटौती गरिरहेका छन् ।
