काठमाडौं उपत्यकाका तीन जिल्लामा सोमबार थप ४४ जनामा कोरोना संक्रमण पुष्टि भएको छ ।

काठमाडौंका ३६, ललितपुरका चार र भक्तपुरका चारजनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार राष्ट्रिय जनस्वास्थ्य प्रयोगशालामा काठमाडौंका १२ जना, ललितपुरका एकजनामा संक्रमण देखिएको हो । 

त्यसैगरी शुक्रराज ट्रपिकल तथा सरुवारोग अस्पताल प्रयोगशालामा काठाडौंका ६ जना, नेपाल प्रहरी अस्पतालमा काठमाडौंका आठजना, भक्तपुर एकजना र ललितपुरका एकजनामा संक्रमण पुष्टि भएको हो । 

स्टार अस्पताल सानेपामा भक्तपुरका तीन, काठमाडौंका आठ र ललितपुरका दुई, बिध ल्याबमा काठमाडौंका एक र ह्याम्स अस्पतालमा काठमाडौंका एकजनामा संक्रमण देखिएको मन्त्रालयका प्रवक्ता डा. जागेश्वर गौतमले बताए ।