भारतका पूर्वराष्ट्रपति प्रणव मुखर्जी कोरोनाबाट संक्रमित भएका छन् ।
उनको स्वाब परीक्षण गर्दा कोरोना संक्रमण पाइएको भारतीय सञ्चारमाध्यम टाइम्स अफ इन्डियाले जनाएको छ ।
८४ वर्षीय पूर्वराष्ट्रपति मुखर्जीले सामाजिक सञ्जाल ट्विटरमार्फत परीक्षणबाट आफूमा काेराेना संक्रमण देखिएकाले आइसाेलेसनका लागि अस्पताल जान लागेकाे जानकारी दिएका छन् ।
साथै उनले पछिल्लाे साता आफ्नाे सम्पर्कमा आएका सबैलाई बेग्लै बस्न र संक्रमण भए–नभएकाे परीक्षण गर्न आग्रह गरेका छन् ।
यसअघि भारतका गृहमन्त्री अमित शाहमा पनि काेराेना पाेजेटिभ देखिएकाे थियाे ।
भारतमा हालसम्म २२ लाख १५ हजार ७५ जना कोरोनाबाट संक्रमित भइसकेका छन् । नयाँ केसका रूपमा ६२ हजार ६४ जनामा संक्रमण देखिएको जनाइएको छ ।
पछिल्लो २४ घन्टामा एक हजार सातजनाको कोरोना संक्रमणबाट निधन भएको छ । हालसम्म भारतमा कुल ४४ हजार तीन सय ८६ जनाको काेराेनाबाट निधन भइसकेको छ ।
On a visit to the hospital for a separate procedure, I have tested positive for COVID19 today.
— Pranab Mukherjee (@CitiznMukherjee) August 10, 2020
I request the people who came in contact with me in the last week, to please self isolate and get tested for COVID-19. #CitizenMukherjee