काठमाडौं उपत्यकाका तीन जिल्लामा मंगलबार थप ६२ जनामा कोरोना संक्रमण पुष्टि भएको छ ।
संक्रमित हुनेमा काठमाडौं जिल्लामा ४८, भक्तपुर जिल्लामा १३ र ललितपुरका एकजना छन् ।
स्वास्थ्य तथा जनसंख्या मन्त्रालयका अनुसार राष्ट्रिय प्रयोगशाला टेकुमा काठमाडौंका ३८ र भक्तपुरका ११ जनामा संक्रमण पुष्टि भएको हो ।
त्यसैगरी त्रिवि शिक्षण अस्पताल प्रयोगशालामा काठमाडौंका पाँचजना, नेपाल प्रहरी अस्पतालमा भक्तपुरका एकजनामा संक्रमण देखिएको हो ।
स्टार अस्पताल सानेपाको प्रयोगशालामा गरिएको परीक्षणमा काठमाडौंका दुई र ललितपुरका एकजनामा संक्रमण पुष्टि भएको मन्त्रालयले जनाएको छ।
बिआइडिएच ल्याबमा काठमाडौंका तीनजना र नेपाल कोरिया मैत्री अस्पतालमा भक्तपुरका एकजनामा संक्रमण पुष्टि भएको मन्त्रालयका प्रवक्ता डा. जागेश्वर गौतमले बताए ।