प्रदेश २ को बढी कोरोना संक्रमणको जोखिममा रहेको वीरगन्जमा अनिश्चितकालीन निषेधाज्ञा जारी रहेकाे छ ।
जिल्ला प्रशासन कार्यालय पर्साले कोरोना संक्रमण रोकथाम तथा परीक्षणको दायरा बढाउन वीरगन्ज महानगरपालिकाले अनिश्चितकालीन निषेधाज्ञा जारी गरेको हो ।
जिल्लामा पछिल्लो समय कोरोना भाइरस (कोभिड– १९) संक्रमितबाट मृत्यु हुनेको र नयाँ संक्रमितको संख्या निरन्तर बढिरहेकाले अनिश्चितकालीन निषेधाज्ञा जारी गरेको मंगलबार १० दिन भएको छ ।
गएको ८ साउनमा जिल्ला सुरक्षा समितिको बैठकको निर्णयअनुसार १० गते बिहान ५ बजेदेखि लागू हुने गरी अर्को सूचना जारी नहुञ्जेलसम्म निषेधाज्ञा जारी थियो ।
यस्तै गएको शनिबारको जिल्ला सुरक्षा समितिको अर्को बैठकको निर्णयअनुसार सोमबार साउन १९ गते बिहान ५ बजेदेखि लागू हुने गरी जिल्लाभर अर्को सूचना जारी नहुञ्जेलसम्म निषेधाज्ञा जारी भएको छ ।
निषेधाज्ञा अवधिभर औषधोपचार र अतिआवश्यक कामबाहेक कुनै पनि व्यक्तिलाई घरबाहिर ननिस्कन आग्रहसमेत गरिएकाे छ ।