काेराेना मिटर : संक्रमितकाे संख्या २१ हजार नाघ्याे
पछिल्लाे २४ घन्टामा देशभर गरिएका परीक्षणमा थप दुई सय ५९ जनामा काेराेना संक्रमण पुष्टि भएकाे छ ।
आज थप भएकासमेत हालसम्म संक्रमितकाे संख्या २१ हजार नाै पुगेका स्वास्थ्य तथा जनसंख्या मन्त्रालयले जनाएकाे छ ।
मन्त्रालयले मंगलबार गरेको मिडिया ब्रिफिङमा प्रवक्ता डा. जागेश्वर गौतमले यो अवधिमा ६५ जना डिस्चार्ज भएको जानकारी दिए ।
हालसम्म डिस्चार्ज हुनेको संख्या १५ हजार २६ पुगेको छ ।
हाल संक्रमणमुक्त हुने प्रतिशत ७१ दशमलव ५ रहेको गौतमले बताए ।
त्यसैगरी हाल सक्रिय संक्रमित पाँच हजार नौ सय २५ जना मात्र छन् ।
गौतमले काठमाडौं प्रवेश गर्ने तीन नाका नागढुंगा, साँगा र फर्पिङमा १० हजार आठ सय ५३ जनाको स्वाब संकलन गरिएकोमा ४० जनामा संक्रमण पुष्टि भएको जानकारी दिए ।
नागढुंगाबाट संकलन गरिएको नमुनामध्ये १६ जनामा संक्रमण देखिएको छ । त्यसैगरी साँगाबाट संकलन गरिएकोमा १३ जना र फर्पिङबाट संकलन गरिएकोमध्ये ११ जनामा संक्रमण पुष्टि भएको गौतमले बताए ।