कोरोना मिटर : थप दुई सय ४६ मा संक्रमण पुष्टि, कुल संक्रमितको संख्या २० हजार तीन सय ३२ पुग्यो
पछिल्लाे २४ घन्टामा देशभर गरिएकाे परीक्षणामा थप दुई सय ४६ जनामा काेराेना संक्रमण पुष्टि भएकाे छ ।
याेसमेत देशभर हालसम्म संक्रमितको संख्या २० हजार तीन सय ३२ पुगेकाे स्वास्थ्य तथा जनसंख्या मन्त्रालयले जनाएकाे छ ।
विगत २४ घन्टामा आठ हजार आठ सय ३१ जनाको नमुना पिसिआर विधिबाट परीक्षण गरिएको स्वास्थ्य तथा जनसंख्या मन्त्रालयले जनाएको छ ।
यो अवधिमा एक सय ११ जना संक्रमणमुक्त भई डिस्चार्ज भएका छन् । हालसम्म डिस्चार्ज हुनेको संख्या १४ हजार ६ सय तीन पुगेको छ ।
संक्रमण निको हुने दर ७१.८ प्रतिशत रहेकाे गौतमले जानकारी दिए ।
हाल देशभर सक्रिय संक्रमितको संख्या पाँच हजार ६ सय ७२ र क्वारेन्टाइनमा बस्नेको संख्या १० हजार नौ सय ३४ रहेको मन्त्रालयका प्रवक्ता डा. जागेश्वर गौतमले बताए ।