बाढीपहिरोमा परी घरबारविहीन भएकाहरूलाई प्रदेश सरकारले आवास निर्माण गरिदिने भएको छ ।
कर्णाली प्रदेश सरकार मन्त्रिपरिषदको बैठकले बाढीपहिरोमा परेर घर भत्किएकाहरूको आवास प्रदेश सरकारले निर्माण गर्ने निर्णय गरेको हो ।
प्राकृतिक विपतकाे घटनाबाट पूर्ण रूपमा घर क्षति भएको घरपरिवारलाई आवास निर्माणका लागि राहतस्वरूप प्रतिपरिवार एक लाख रकम तत्काल उपलब्ध गराउने मन्त्रिपरिषद्ले निर्णय गरेको कर्णाली प्रदेश सरकारकी प्रवक्ता विमला केसीले बताइन् ।
‘कर्णालीका विभिन्न ठाउँमा बाढीपहिरोमा परी धेरै घरबारविहीन भएका छन्,’ उनले भनिन्, ‘बाढीपहिरोमा परेर घरबारविहीन भएकाहरूलाई तत्काल आवास निर्माणका लागि रकम उपलब्ध गराउने निर्णय भएको छ ।’
विपतबाट क्षति भएको घरपरिवारका लागि तीन महिनासम्म पुग्ने गरी प्रदेश सरकारले खाद्यान्न उपलब्ध गराउने प्रवक्ता केसीले जानकारी दिइन् ।