भारतको उत्तरप्रदेश राज्यकी प्रविधि तथा शिक्षामन्त्री ६२ वर्षीया कमला रानी वरुणको कोरोना संक्रमणबाट आइतबार मृत्यु भएको छ ।
उनलाई १८ जुलाईमा कोरोना संक्रमण पुष्टि भएको थियो । उपचारका लागि भर्ना गरिएको लखनउस्थित एसबिपिजिआईमै उनको मृत्यु भएको हो ।
उत्तरप्रदेशका मुख्यमन्त्री योगी आदित्यनाथले वरुणको निधनमा गहिरो दुःख प्रकट गरेका छन् । उनले भनेका छन, ‘प्रदेशले आज समर्पित जननेतृ गुमाएकाे छ ।’