एनएमबि बैंकले सार्वजनिक यातायातमा डिजिटल भुक्तानी च्यानल प्रवद्र्घन गर्न एन–क्लाउड प्राइभेट लिमिटेडसँग सम्झौता गरेको छ । बैंकले किपु बससेवा प्रालिद्वारा सञ्चालित यात्रु बसको भाडा कार्डको प्रयोग गरी सम्पर्करहित भुक्तानी व्यवस्था गर्न एन–क्लाउडसँग सम्झौता गरेको हो ।
सम्झौताअनुसार सम्पर्करहित कार्ड र पिओएस टर्मिनलहरूका माध्यमबाट सार्वजनिक यातायातमा डिजिटल भुक्तानी संकलन प्रणाली लागू गर्ने बैंकले जनाएको छ । यस परियोजनाको सुरुवात किपु बस सेवा प्रालिसँग हुने भएको छ ।
बैंकले चाँडै नै अन्य बस समितिसँग समझदारी गरी समानान्तर बस भाडा संकलन प्रणालीका लागि अन्य बस अपरेटरहरूसँग पनि सहकार्य सुरु गर्ने उद्देश्य लिएको जनाएको छ ।